Хитайниң дөләт байрими күни бейҗиңдики әрздарлар тутқун қилинди

Мухбиримиз меһрибан
2015-10-02
Share

Радиомиз ниң игилишичә, 1-өктәбир йәни хитайниң дөләт байрими күни тйәнәнмен әтрапиға йиғилған 300 дәк әрздар тутқун қилинип, өз юртлириға қайтурулуш үчүн йиғивелиш орниға елип кетилгән.

Әрздарлардин шаңхәйлик ху әпәндиниң билдүрүшичә, 1-өктәбир әтигән у алдин келишивалғини бойичә аниси билән бирликтә әрз қилиш үчүн тйәнәнмен мәйданидики җуңнәнхәйгә кәлгән. У, бу йәрдә йиғилған әрздарларниң адәм деңизиға айланғанлиқини көргән. Лекин бир аздин кейинла нәччә йүзлигән сақчи йетип келип әрздарларни тарқитивәткән. Сақчилар 300 дәк әрздарни тутқун қилип, сақчи аптомобиллирида әрздарларни йиғивелиш орниға елип кәткән.

Ху әпәнди йәнә, йиллардин буян иши һәл болмай кәлгән нурғунлиған әрздарларниң тутқун қилиниш хәвпигә қаримай, мухбирларни болупму чәтәл мухбирлирини җәлп қилиш арқилиқ в җамаәт пикри топлаш үмидидә хитайниң дөләт байримиға охшаш мушундақ чоң типтики тәбрикләш паалийәтлиридә бир җайға йиғилғанлиқини ейтқан.

Илгири радиомиз уйғур бөлүминиң зияритини қобул қилған уйғур әрздарларму, өзлириниң хитай сақчилириниң тәһдит вә зораванлиқлириға даим учрап туридиғанлиқини билдүрүшкән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт