Xitayning dölet bayrimi küni béyjingdiki erzdarlar tutqun qilindi

Muxbirimiz méhriban
2015-10-02
Share

Radi'omiz ning igilishiche, 1-öktebir yeni xitayning dölet bayrimi küni tyen'enmén etrapigha yighilghan 300 dek erzdar tutqun qilinip, öz yurtlirigha qayturulush üchün yighiwélish ornigha élip kétilgen.

Erzdarlardin shangxeylik xu ependining bildürüshiche, 1-öktebir etigen u aldin kélishiwalghini boyiche anisi bilen birlikte erz qilish üchün tyen'enmén meydanidiki jungnenxeyge kelgen. U, bu yerde yighilghan erzdarlarning adem déngizigha aylan'ghanliqini körgen. Lékin bir azdin kéyinla nechche yüzligen saqchi yétip kélip erzdarlarni tarqitiwetken. Saqchilar 300 dek erzdarni tutqun qilip, saqchi aptomobillirida erzdarlarni yighiwélish ornigha élip ketken.

Xu ependi yene, yillardin buyan ishi hel bolmay kelgen nurghunlighan erzdarlarning tutqun qilinish xewpige qarimay, muxbirlarni bolupmu chet'el muxbirlirini jelp qilish arqiliq w jama'et pikri toplash ümidide xitayning dölet bayrimigha oxshash mushundaq chong tiptiki tebriklesh pa'aliyetliride bir jaygha yighilghanliqini éytqan.

Ilgiri radi'omiz Uyghur bölümining ziyaritini qobul qilghan Uyghur erzdarlarmu, özlirining xitay saqchilirining tehdit we zorawanliqlirigha da'im uchrap turidighanliqini bildürüshken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet