15 Ғәрб дөлитиниң бейҗиңдики баш әлчилири чен чүәнго билән көрүшүш үчүн мәктуп һазирлиған

Мухбиримиз шөһрәт һошур
2018-11-15
Елхәт
Пикир
Share
Принт

Ройтерс агентлиқи бүгүн бейҗиңдики ғәрб дипломатлириниң уйғур аптоном райониниң партком секретари чен чүәнго билән көрүшүшни тәләп қилип, бирләшмә мәктуп һазирлиғанлиқини хәвәр қилди.

Хәвәрдә дейилишичә, мәзкур биләшмә мәктупниң дәсләпки нусхиси бейҗиңдики канада әлчиханисиниң хадимлири тәрипидин һазирланған. Мәктупқа әнглийә, фирансийә, австралийә қатарлиқ 15 ғәрб дөлитиниң бейҗиңда турушлуқ баш әлчилири имза қойған.

Мәктупта чен чүәнгоға хитабән мундақ дейилгән: «биз шинҗаң уйғур аптоном районидики аз санлиқ милләтләрниң, болупму уйғурларниң вәзийити һәққидә оттуриға чиқиватқан хәвәрләрдин қаттиқ әндишә һес қилмақтимиз. Шуңа вәзийәтни толуқ билиш үчүн уйғун болған әң қисқа вақит ичидә сиз билән йүзтуранә көрүшүшни вә сөзлишишни тәләп қилимиз.»

Хәвәрдә әскәртилишичә, бу мәктупниң чен чүәнгоға рәсмий әвәтилгән яки техичә әвәтилмигәнлики мәлум әмәскән. Хитай ташқи ишлар министирлиқиниң баянатчиси хуа чүнйиң бүгүн бу мәктупқа қаттиқ наразилиқ билдүрүп инкас қайтурған. Хуа чүнйиң сөзидә ғәрб дипломатлириниң бундақ бир мәктупни һазирлаш арқилиқ шинҗаң һөкүмитигә бесим ишләтмәкчи вә хитайниң ички ишлириға арилашмақчи болуватқанлиқидин шикайәт қилған.

Пикирләр (0)
Share
Толуқ бәт