Лагерларниң қара сайисидики «бейҗиң олимпик мусабиқиси»

Мухбиримиз әзиз
2019-10-22
Елхәт
Пикир
Share
Принт

2022-Йилидики қишлиқ олимпик мусабиқисиниң бейҗиңда өткүзүлмәкчи болуши йеқиндин буян барғансери көп тәнқидләргә дуч кәлмәктә. Болупму хитайниң 2008-йилидики олимпик мусабиқисини өткүзүш алдида сиясий җәһәттики ислаһат вә кишилик һоқуқ саһәсидики илгириләш мәсилиси бойичә дуняға көплигән вәдиләрни бәргән иди.

Лагерлар мәсилисиниң ашкара болуши билән хитайниң қилчиму вәдисидә турмиғанлиқи һәмдә йәнә бир қетим дуняни алдап кәткәнлики йәнә бир қетим мулаһизичиләрниң диққитини қозғиди.

Австралийәдики монаш университетиниң профессори кәвин каррикониң 22-өктәбир күни «хоңкоң әркин ахбарати» да елан қилған бу һәқтики мақалисидә мушу мәсилиләр нуқтилиқ муһакимә қилинди. Шуниңдәк «олимпик мусабиқиси хитайға өзгириш елип келиду, дәп қараш ақиланилик әмәс» дәп көрсәтти.

Аптор хитай һөкүмитиниң 2008-йилидин буян сиясий әһвалиға омуми җәһәттин қарап чиқип «шинҗаңға қарайдиған болсақ хитайдики кишилик һоқуқниң аяқ-асти болушиниң әң юқири рекортини көримиз» дәйду. Шуниңдәк хитай һөкүмитиниң «террорлуққа вә әсәбийликкә қарши туруш» намида ғайәт зор лагер системиси бәрпа қилип чиққанлиқини, буниңда уйғурларниң баш нишан болғанлиқини алаһидә әскәртиду. Болупму һечқандақ бир мәмликәтниң милйонлиған инсанни лагерға қамивалған бир мәмликәттә олимпик мусабиқиси өткүзүшкә қошулмайдиғанлиқини, әмма мушундақ аччиқ реаллиқниң һазир йүз бериватқанлиқини тәкитләп «хитай мушу мусабиқә арқилиқ өзиниң хәлқарадики образини йүксәлдүрмәкчи болған болса, биз мушу мусабиқә арқилиқ хитайға тегишлик болған бесимларни тәтбиқлишимиз лазим» дәп көрситиду.

Пикирләр (0)
Share
Толуқ бәт