Lagérlarning qara sayisidiki "Béyjing olimpik musabiqisi"

Muxbirimiz eziz
2019-10-22
Élxet
Pikir
Share
Print

2022-Yilidiki qishliq olimpik musabiqisining béyjingda ötküzülmekchi bolushi yéqindin buyan barghanséri köp tenqidlerge duch kelmekte. Bolupmu xitayning 2008-yilidiki olimpik musabiqisini ötküzüsh aldida siyasiy jehettiki islahat we kishilik hoquq sahesidiki ilgirilesh mesilisi boyiche dunyagha köpligen wedilerni bergen idi.

Lagérlar mesilisining ashkara bolushi bilen xitayning qilchimu wediside turmighanliqi hemde yene bir qétim dunyani aldap ketkenliki yene bir qétim mulahizichilerning diqqitini qozghidi.

Awstraliyediki monash uniwérsitétining proféssori kewin karrikoning 22-öktebir küni "Xongkong erkin axbarati" da élan qilghan bu heqtiki maqaliside mushu mesililer nuqtiliq muhakime qilindi. Shuningdek "Olimpik musabiqisi xitaygha özgirish élip kélidu, dep qarash aqilanilik emes" dep körsetti.

Aptor xitay hökümitining 2008-yilidin buyan siyasiy ehwaligha omumi jehettin qarap chiqip "Shinjanggha qaraydighan bolsaq xitaydiki kishilik hoquqning ayaq-asti bolushining eng yuqiri rékortini körimiz" deydu. Shuningdek xitay hökümitining "Térrorluqqa we esebiylikke qarshi turush" namida ghayet zor lagér sistémisi berpa qilip chiqqanliqini, buningda Uyghurlarning bash nishan bolghanliqini alahide eskertidu. Bolupmu héchqandaq bir memliketning milyonlighan insanni lagérgha qamiwalghan bir memlikette olimpik musabiqisi ötküzüshke qoshulmaydighanliqini, emma mushundaq achchiq ré'alliqning hazir yüz bériwatqanliqini tekitlep "Xitay mushu musabiqe arqiliq özining xelq'aradiki obrazini yükseldürmekchi bolghan bolsa, biz mushu musabiqe arqiliq xitaygha tégishlik bolghan bésimlarni tetbiqlishimiz lazim" dep körsitidu.

Toluq bet