Prézidént baydén bilen xitay dölet re'isi shi jinping sin arqiliq körüshidiken

Muxbirimiz irade
2021.10.07

Amérika aqsarayi charshenbe küni kechte bu yilning axirighiche prézidént jow baydén bilen xitay dölet re'isi shi jinpingning sin arqiliq körüshidighanliqini élan qildi.

“Maliye waqti” gézitining xewer qilishiche, yuqiridiki bu ikki rehberning körüshüshi aldinqi küni amérika prézidénttining dölet bixeterlik ishliri meslihetchisi jék sulliwan bilen xitay tashqi ishlar ishxanisining mudiri yang jéchi arisida ep bérilghan uchrishishta kélishim hasil qilin'ghandin kéyin élan qilin'ghan.

Maliye waqti géziti prézidént jow baydén bilen shi jinping arisidiki bu sin uchrishishini “Jow baydinning xitay bilen bolghan munasiwetni yaxshilaydighanliqining tunji belgisi”, dep bahalighan.

Amérikaning amérika prézidénttining dölet bixeterlik ishliri meslihetchisi jék sulliwan 6-öktebir küni shiwitsariyening zürix shehiride xitay kompartiyesi siyasiy byurosining ezasi, xitay tashqi ishlar ishxanisining mudiri yang jéchi bilen söhbetleshken. Ikki terepning söhbetlirining konkrét mezmuni tilgha élinmighan bolsimu, ularning söhbitide Uyghurlar mesilisi, xongkong mesilisi we teywen boghuzidiki weziyet qatarliqlarning muhim téma bolghanliqi bildürülgenidi.

Jeyk solliwin yighindin kéyinki bayanatida bu uchrishishni amérika-xitay munasiwitidiki “Muzning érishi” dep qarimaydighanliqini, “Mahiyetlik we ijabiy qedem” dep qaraydighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.