Baydén hökümiti xitayning Uyghurlargha qaratqan qorqunchluq depsenchilikige qarita bésimni kücheytidighanliqini bildürgen

Amérika tashqiy ishlar ministirliqi yéqinda dölet mejlisige yollighan doklatida, xitayning Uyghurlargha qaratqan qorqunchluq depsendichilikige qarita bésimni kücheytidighanliqi, amérikaning hoquqi we bayliq menbesini ishlitip, mejburiy emgekni toxtitidighanliqini bildürgen. Amérika “Blumbérg xewerliri” agéntliqining xewer qilishiche, amérika tashqiy ishlar ministirliqi “Sezgür, emma mexpiy emes” dep belge qoyulghan doklatida, amérikaning irqiy qirghinchiliqqa uchrighan ‍uyghurlar duch kelgen mu'amilige bolghan endishilirini qandaq otturigha qoyudighanliqini chüshendürgen.

Doklatta éytilishiche, bu mesilining bashqa döletler, sana'etleshken 7 dölet guruhi we xususi shirketler bilen bolghan yighinlarda otturigha qoyulidiken. Doklatta “Amérika hökümiti shinjangdiki mejburi emgekke qarshi turushta özining hoquqi we bayliq menbesini toluq qollinidu” déyilgen. Doklatta bolupmu “Qattiq nazaret, mejburiy nupus kontrol qilish tedbirliri, balilarni a'ilisidin ayriwétish, keng kölemlik tutqun, qiyin-qistaq we mejburiy étnik we diniy assimilatsiyege qarshi turidighanliqi” tekitlen'gen.

“Blumbérg xewerliri” ning éytishiche, “Shinjnggha merkezlishish-amérikaning dunyaning herqaysi jayliridiki ittipaqdashlirini we shériklirini yighip, rusiyeni diplomatik qollash we xongkongdiki démokratiyeni basturushni öz ichige alghan bir qatar mesililerde xitaygha bésim ishlitish üchün körsetken tirishchanliqining bir parchisi” iken.

Doklatta yene amérikaning Uyghur élidiki mejburiy emgektin paydilinidighan shirket we apparatlarni éniqlap chiqidighanliqi, shirketler bilen hemkarliship, “Teminlesh zenjiride segek bolidighanliqi, pütünley yaki qismen bolsimu shinjangdiki mejburiy emgekte qézilghan, ishlepchiqirilghan yaki yasalghan mehsulatlarning amérikagha kirishining aldini alidighanliqi” tekitlen'gen. Bu amérika hökümitining tunji qétim Uyghurlar mesiliside qandaq siyaset tutudighanliqini etrapliq we konkirét chüshendürüshidur.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar