Bérma da'irilirining rohin'ga musulmanlirigha yürgüzüwatqan herbiy herikiti xitayning qollishigha érishken

Muxbirimiz irade
2017-09-14
Share

Xitay hökümiti bérma da'irilirining rohin'ga musulmanlirigha yürgüzüwatqan herbiy basturushini qollaydighanliqini bildürgen.

Roytérz agéntliqining bildürüshiche, bérmaning dölet axbarat orgini bügün xewer bérip, xitayning bérmadiki bash elchisi xong lyangning "Bu dégen döletning ichki ishi," dep ipade bildürgenlikini alahide qeyt qilghan.

Xewerde éytilishiche, xong liyang yene "Biz bérma amanliq küchlirining térrorchilargha qilghan qayturma hujumini qarshi alimiz," dégen.

Halbuki, b d t ning bash katipi antoniyo guttérs charshenbe küni qilghan sözide, bérma hökümitining rohin'galargha yürgüzgen bu herikitini "Étnik qirghinchiliq" dep atighan we uni qattiq tenqid qilghan. U, bérma hökümitini herbiy heriketni derhal ayaghlashturup, zorawanliqni tügitishke we rohin'galarning barliq hoquqlirigha hörmet qilishqa chaqirghan.

Melum bolushiche, bérma armiyisining rohin'ga musulmanliri yashap kéliwatqan raxine rayonida élip barghan herbiy herikiti nurghun kishining ölümige we 400 mingdin artuq kishining öy-makanini tashlap bén'galgha qéchishigha seweb bolghan. Biraq, bérma da'iriliri özlirining atalmish "Térrorchilar" bilen küresh qiliwatqanliqini ilgiri sürmekte. Bérma da'iriliri hazirghiche 432 "Térrorchi" ni öltürgenlikini ilgiri sürdi.

Igilinishiche, bérmadiki bu qanliq weqe nöwette bérmada hakimiyet yürgüzüwatqan nobél tinchliq mukapati sahibi ang sang suchining obrazigha dagh chüshürgen. Xelq'ara jama'etchilikte uninggha bérilgen bu sherepni qayturuwélish heqqidiki chaqiriqlar kücheymekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.