Nikkiy xaléy: "Xitayni oylisam közümdin uyqu qachidu!"

Muxbirimiz eziz
2021-05-24
Share

Amérika hökümitining birleshken döletler teshkilati (b d t) da turushluq sabiq bash elchisi nikki xaléy xanim yéqinda amérikadiki körülüsh nisbiti alahide yuquri bolghan "Glénbék" radiyo-téléwiziyesining ziyaritini qobul qilghanda, Uyghurlar mesilisi hemde xitayning dunya xelqige ekiliwatqan tehditi toghrisida alahide söz qilghan.

Mexsus söhbette nikkiy xanim her qétim xitay hökümiti yadigha kelsile közidin uyqu qachidighanliqi heqqide söz qilip, xitay hökümitining nöwettiki ichkiy we tashqiy siyasetlirining buningdiki asasliq seweb ikenlikini sherhilep ötken. Uning bayan qilishiche, xitay hökümiti ilgiriki waqitlarda anche ghelwisi yoq kétiwatqan bolup, shi jinping hakimiyetni qolgha alghandin kéyin hemmila nerse astin-üstün bolushqa bashlighan. Bolupmu shi jinping kompartiye nizamnamisini özgertip "Menggülük padishah" boluwalghandin kéyin, uning bu xil "Padishahliqi" xelq'ara teshkilatlargha, jümlidin birleshken döletler teshkilatighiche sozulghan. Shundaqla xitay hökümiti herqaysi ‍eza döletlerning "Burnigha noqup", ularni özining sizghan siziqi boyiche méngishqa qistighan. Emdilikte bolsa ular eqliy mülük oghriliqi hemde herbiy qisimlarni zamaniwilashturushni ishqa ashurghan. Ichkiy qisimda bolsa milyonlarche Uyghurni lagérgha qamap, ularni insanning yadigha kelmeydighan wehshiylik bilen qiynashqa ‍ötken. Buning bilen "Emdi qaytilanmaydu" dégen sho'argha éghir xiris peyda qilghan.

U mushu ehwallarni omumlashturup: "Xitay aldinqi qétimqi olimpik musabiqisida bir partiye süpitide otturigha chiqqan bolsa, emdiki olimpik musabiqisida özlirining dunyawi küch ikenlikini namayen qilmaqchi boluwatidu. Eger bizning buning bilen karimiz bolmay ishlar mushundaq kétiwerse, ular uzun'gha qalmay teywenni alidu. Teywenni alghandin kéyin bolsa, xitay pütün dunyani yutushning koyigha chüshidu," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet