"Bingtu'en" ni jenubiy Uyghur diyarida kéngeytishning "Muqimliq" éhtiyaji üchün ikenliki tekitlendi

Muxbirimiz méhriban
2017-04-18
Élxet
Pikir
Share
Print

Xitay da'irilirining ishlepchiqirish qurulush armiyisi, yeni "Bingtu'en" ni Uyghur diyarining jenubida yene kéngeytip qurush pilani we buning Uyghur diyarida "Muqimliqni saqlash éhtiyajidin tughulghan" liqini tekitlishi chet'ellerdiki Uyghur pa'aliyetchiliri we xitay weziyet analizchilirining tenqidige uchridi.

Yéqindin buyan da'irilerning Uyghur diyaridiki bingtu'en islahatini tézlitish, chongqurlashturush we uni jenubiy Uyghur diyarida dawamliq kéngeytip, téximu kücheytishni tekitlishige egiship, 18-aprél küni "Bingtu'en géziti" bash maqale élan qilip, bingtu'enni jenubiy Uyghur diyarida kéngeytip qurush pilani "Uyghur rayonidiki muqimliq weziyitini qoghdash éhtiyajidin boldi" dep teriplidi.

Melum bolushiche, bingtu'enning déwiziye we polklirining köp qismi Uyghur diyarining shimaligha orunlashqan bolup, jenubtiki aqsu, qeshqer, xoten qatarliq wilayetlergimu birdin déwiziye jaylashqan idi.

Dunya Uyghur qurultiyi qatarliq chet'ellerdiki Uyghur teshkilatliri we pa'aliyetchilirining qarishiche, xitay kommunist hökümiti 1949-yili Uyghur diyarini igiligendin kéyin, "Boz yer échish" nami astida öz qoshunlirining zor bir qismini Uyghur diyaridiki munbet zéminlargha we derya wadilirigha orunlashturup, yérim herbiy haldiki ishlepchiqirish qurulush armiyisi, yeni bingtu'enni qurghan idi. Hazir nopusi ikki yérim milyon dep qariliwatqan "Bingtu'en" izchil türde xitay hökümitining Uyghurlarning naraziliq heriketlirini basturushtiki qoralliq küchige aylan'ghan. Nöwette xitay hökümitining bingtu'enni jenubiy Uyghur diyarigha yenimu kéngeytishi, Uyghurlarning mutleq köp qismi jaylashqan bu rayonlargha bolghan kontrolluqni we Uyghurlarning naraziliq heriketlirini basturush iqtidarini téximu ashurushni meqset qilidiken.

Toluq bet