Ишләпчиқириш-қурулуш биңтуәни йеңи оқуш пүттүргән алий мәктәп оқуғучилирини түркүмләп қобул қилмақчи болған

Мухбиримиз җәвлан
2021-04-20
Share

"хитай хәвәрлири" ториниң 20-апрел хәвәр қилишичә, ишләпчиқириш-қурулуш биңтуәни "үч кәсипни йөләп намратларға ярдәм бериш" пилани бойичә тунҗи түркүмдә 950 оқуғучини хизмәткә орунлаштурушни пиланлиған. "үч кәсипни йөләш" дегини асасий қатламдики йеза игилик, маарип вә давалашқа ярдәм бериш дегәнлик болуп, биңтуән бу оқуғучиларни өзлиригә тәвә деһқанчилиқ мәйданлири вә санаәт районидики маарип, йеза-игилик, давалаш, намратлиқни йөләш, су байлиқи, иҗтимаий параванлиқ орунлирида ишләшкә орунлаштуридикән.

Хәвәрдә ейтлишичә, биңтуән бу қетим ишқа алидиған оқуғучилар 2019-йилдин 2021-йилғичә оқуш пүттүргән толуқ курс яки униңдин юқири оқуш тарихиға игә оқуғучилар болуп, магестер вә докторлар алдин қобул қилиндикән. Хизмәткә чүшкәнләр турмуш ярдәм пули, суғурта, һәқсиз туралғу вә башқа көплигән тәминатлардин бәһримән болидикән. Җәнубтики вилайәтләргә ишқа орунлишидиғанлар уйғур тили сәвийәсидин өтсә, биңтуән вә шәһәрлик мәмурий, кәспий орунларға нуқтилиқ ишқа қоюлидикән.

Көзәтчиләрниң билдүрүшичә, биңтуәнниң қобул қилидиғини асасән уйғур райони вә ичкири хитайдики хитай оқуғучилири болуп, бу хизмәт елани хитайда һәр йил оқуш пүттүрүп иш издәватқан нәччә милйон хитай оқуғучини җәлп қилидикән. Хитай һөкүмити бир яқтин нурғун уйғур яшлирини иш орнидин яки оқуштин мәһрум қилип, мәһбус вә қул ишләмчи қилса, бир яқтин улардин бош қалған орунларни хитай яшлири билән толдурмақта икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт