Хитай бу йил биңтуәнниң җәнубтики девизийә-шәһәрлириниң санаәт муқим мүлүк мәблиғини зор дәриҗидә копәйткән

Мухбиримиз әркин
2021-05-25
Share

Хитай һөкүмити бу йилниң дәсләпки 4 ейида "шинҗаң ишләпчиқириш-қурулуш биңтуәни" ниң җәнубтики шәһәр-девизийәлириниң санаәт муқим мүлкигә мүбләғ селишни зор дәриҗидә көпәйткән. "биңтүән хәвәрлири" ториниң ‍ашкарлишичә, бу йилниң дәсләпки 4 ейида биңтуәнниң җәнубтики 11 девизийә-шәһириниң санаәт муқим мүлкигә селинған мәбләғ өткән йилниң ‍охшаш мәзгилидикидин 72.8 Пирсәнт артқан. Һалбуки, бу әһвал биңтуәнниң шималдики девизийә-шәһәрлиридә аран 2.7 Пирсәнт ‍икән.

Көзәткүчиләрниң ейтишичә, бу вәзийәт хитай да‍ирилириниң биңтуән санаәт ул ‍әслиһәлирини җәнубтики уйғурлар зич олтурақлашқан районларға йөткәп, уни җәнубтики област, вилайәтләргә шиддәтлик кеңәйтиватқанлиқини көрситидикән. Хитай һөкүмити 2017-йили чоң тутқун башлап, милйонлиған уйғурни лагерларға қамаш билән бир вақитта, биңтуәнни җәнубқа кеңәйтиш пиланини иҗра қилишни тезләткән. Даириләр буниң бир "муқимлиқ қурулуши" ‍икәнликини илгири сүргән иди.

"биңтүән гезити" ниң ейтишичә, бу мәзгил ичидә биңтуәнниң омуми санаәт муқим мүлкигә селинған мәбләғ 18.4 Пирсәнт ашқан болуп, канчилиққа селинған мәбләғ 365.4 Пирсәнт, ишләпчиқиришқа селинған мәбләғ 35.3 Пирсәнт артқан. Америка һөкүмити ‍өткән йили биңтуәнгә униң уйғур "‍ирқий қирғинчилиқи" да ойниған роли сәвәблик ‍имбарго қоюп, униң икки әмәлдарини җазалиған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт