Shinjang ishlepchiqirish-qurulush bingtu'enining yéngi nöwetlik partkom da'imiy hey'etliri békitilgen

Muxbirimiz irade
2022.06.23
Share on WhatsApp
Share on WhatsApp

Xitayning Uyghur élida turushluq gheyri-resmiy qoralliq armiyesi bolghan shinjang ishlepchiqirish-qurulush bingtu'eni özining yéngi nöwetlik bingtu'en partkomi da'imiy hey'etlirini békitken.

“Bingtu'en xewerliri” torining xewiridin melum bolushiche, 6-ayning 19-küni xitay kompartiyisi shinjang ishlepchiqirish-qurulush bingtu'eni partkomining 8-qétimliq omumiy yighini échilghan. Omumiy yighinda li yiféy bingtu'en partkomining sékritarliqigha؛ shö bin, lyu jyenming, li jyen'go bingtu'en partkomining mu'awin sékritarliqigha teyinlen'gen.

Xewerdin melum bolushiche, shinjang ishlepchiqirish-qurulush bingtu'eni partkomining yéngi nöwetlik da'imiy komitétigha ezaliqqa békitilgen li yiféy, shö bin qatarliq 14 emeldar ichide mutellip mettoxti isimlik peqet bir neper Uyghur emeldar yer alghan.

Xitay hökümiti yéqinqi yillardin buyan bingtu'enni zor küch bilen kücheytip, uni Uyghur rayonining muqimliqini saqlashtiki tayanch küchke aylandurush istratégiyesini yolgha qoymaqta. Yeni bingtu'enni Uyghur élining jenubigha qarap dawamliq kéngeytish, bingtu'en bilen yerlikni bir gwdileshtürüsh, bingtu'enning qoralliq küchi bolghan “Xelq eskerliri” ni yenimu kéngiytish we bingtu'en arqiliq yerlikni kontrol qilish istratégiyesini qedemmu-qedem emeliyleshtürüp kelmekte.

Bingtu'en partkomining sékritari li yiféy omumiy yighindiki sözide bingtu'en 8-qétimliq partiye qurultiyini “Shinjang xizmiti yéngi bir dewrge qedem qoyghan, bingtu'enning yéngi dewrdiki mes'uliyiti we burchini ada qilish ötkilige hujum qilish yéngi basquchida échilghan intayin muhim bir yighin” dep teripligen. U yene bingtu'enning “Yéngi dewrdiki partiyening shinjangni idare qilish tedbirini toluq we del jayida izchillashturush, muqimliqni qoghdash we chégra rayonni muhapizet qilish mes'uliyitini sadiqliq bilen ada qilish” ni telep qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet