Хитай һөкүмитиниң биңтуәнгә давамлиқ адәм көпәйтиватқанлиқи мәлум болди

Мухбиримиз әркин
2021.06.25

Хитай һөкүмитиниң уйғур елидики шинҗаң ишләпчиқириш-қурулуш биңтуәнигә давамлиқ көпләп хизмәтчи қобул қилип, адәм көпәйтишни тезлитиватқанлиқи мәлум болди. Хитай таратқулириниң хәвәр қилишичә, биңтуән 25-июн җәмийәттин “тән саламатлики вә писхилогийәлик сапаси хизмитиниң һөддисидин чиқалайдиған” 858 нәпәр хизмәтчи қобул қилидиғанлиқини елан қилған.

Көзүткүчиләр америка һөкүмити тәрипидин имбаргоға учриған биңтуәнниң давамлиқ көпләп хизмәтчи қобул қилиши, униң адәм санини көпәйтип, җәнубтики уйғурлар зич ‍олтурақлашқан районларға қарап кеңийиш пиланиниң бир парчиси ‍икәнликини билдүрмүктә.

Хитай һөкүмити 2017-йили чоң тутқун башлинип бир милйондин артуқ уйғурни лагерларға қамаш билән бир вақитта, биңтуәнниң җәнубқа кеңийиш қәдиминиму тезләткән. Биңтуәнниң җәнубқа кеңийишини “шинҗаңда узун мәзгиллик әминлик орнитишниң истиратегийәлик капалити” дәп елан қилған.

“биңтүән гезити” хәвәр қилишичә, биңтүәнниң җәнуптики 1-девизийәси, 3-девизийәси вә 14-девизийәсидики хизмәткә ‍илтимас қилғучилар “хәнубий шинҗаң хизмити қошумчә ярдәм пули” ға еришидикән.

Бирақ биңтүәнниң хзмәтчи қобул қилиш һәққидики ‍уқтурушида, қобул қилинған хизмәтчиләрниң қандақ вәзипә ‍тәйдиғанлиқи тилға елинмиған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.