Xitay hökümitining bingtu'en'ge dawamliq adem köpeytiwatqanliqi melum boldi

Muxbirimiz erkin
2021-06-25
Share

Xitay hökümitining Uyghur élidiki shinjang ishlepchiqirish-qurulush bingtu'enige dawamliq köplep xizmetchi qobul qilip, adem köpeytishni tézlitiwatqanliqi melum boldi. Xitay taratqulirining xewer qilishiche, bingtu'en 25-iyun jem'iyettin "Ten salamatliki we pisxilogiyelik sapasi xizmitining höddisidin chiqalaydighan" 858 neper xizmetchi qobul qilidighanliqini élan qilghan.

Közütküchiler amérika hökümiti teripidin imbargogha uchrighan bingtu'enning dawamliq köplep xizmetchi qobul qilishi, uning adem sanini köpeytip, jenubtiki Uyghurlar zich ‍olturaqlashqan rayonlargha qarap kéngiyish pilanining bir parchisi ‍ikenlikini bildürmükte.

Xitay hökümiti 2017-yili chong tutqun bashlinip bir milyondin artuq Uyghurni lagérlargha qamash bilen bir waqitta, bingtu'enning jenubqa kéngiyish qediminimu tézletken. Bingtu'enning jenubqa kéngiyishini "Shinjangda uzun mezgillik eminlik ornitishning istiratégiyelik kapaliti" dep élan qilghan.

"Bingtüen géziti" xewer qilishiche, bingtüenning jenuptiki 1-déwiziyesi, 3-déwiziyesi we 14-déwiziyesidiki xizmetke ‍iltimas qilghuchilar "Xenubiy shinjang xizmiti qoshumche yardem puli" gha érishidiken.

Biraq bingtüenning xzmetchi qobul qilish heqqidiki ‍uqturushida, qobul qilin'ghan xizmetchilerning qandaq wezipe ‍teydighanliqi tilgha élinmighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet