Sélin maddisi mol 10 milyon mo yerning köpinchisi bingtu'enning qolida ikenliki qeyt qilindi

Muxbirimiz shöhret hoshur
2017-07-12
Élxet
Pikir
Share
Print

Bügün shinxu'a torining xewer qilishiche, Uyghur rayonluq yer bayliqliri idarisi nechche yilliq tekshürüsh netijiside Uyghur rayonida sélin (Se) maddisi mol balghan yer kölimining 9 milyon 850 ming mo ikenlikini, buning köpinchisining ishlepchiqirish-qurulush armiyisining 1-, 2-, 4- we 8-déwiziye teweside ikenlikini we yene bir qismining bolsa shixenze, ürümchi we sawen teweside ikenlikini bayqighan.

Xewer déyilishiche yerning sélin maddisi köp bolush, u yerde ösken zira'etlerning süpiti we iqtisadiy qimmitini östüridiken. Ilmiy matériyallarda 34-élémént dep körsitilgen we métallo'idlar türige ayrilghan mezkur maddining insanlarning késelge qarshi aktipchanliqini ashurush we qérishning aldini élish rolini oynaydighanliqi tilgha élin'ghan.

Shinxu'aning mezkur xewiride déyilishiche, sélin maddisi mol bolghan yerler xitayning peqet jyangshi, jéjyang we chingxey qatarliq birqanche ölkisining bir qisim jayliridila tépilidiken. Bügün'ge qeder, Uyghur rayonidiki ishlepchiqirish qurulush armiyesining rayonning su ewzellikliri üstün jaylarni igiliwalghanliqi heqqide köplep xewerler bérilgen bolsimu, emma uning sélin maddisi mol bolushtek qimmetlik yerlernimu changgilida tutup turuwatqanliqi tilgha élinmighan.

Toluq bet