“Shinjang herbiy rayoni” ning jem'iyet muqimliqini saqlash roli dawamlashmaqta

Muxbirimiz eziz
2017.08.01

Xitay azadliq armiyesi Uyghurlar diyarini igiligende “Shinjang herbiy rayoni” namida tesis qilin'ghan herbiy rayon 1949-yili 17-dékabirda qurulghandin buyan Uyghurlar diyaridiki herbiy hoquqqa ége eng aliy organ bolup kéliwatqanliqi melum.

Yéqinda bu herbiy rayonning eyni waqittiki bash wezipiliridin bolghan “Jem'iyet muqimliqini qoghdash” rolining bundin kéyin dawamliq jari qildurulmaqchi bolghanliqi diqqet qozghidi.

“Shinjang géziti” ning 1-awghusttiki xewiride körsitilishiche, “Shinjang herbiy rayoni” qurulghandin buyanqi 68 yilda “Partiyening sözini anglash, chégra rayonning eminlikini qoghdash, milliy bölgünchilikke qarshi turush” dégen bash yétekchi idiye boyiche merkezning rehberlikige aktip boysunup kelgen. Buningda hemmidin bekrek uning “Partiye némige buyrusa shuni éghishmastin ijra qilishi” medhiyilen'gen. Shuning bilen birge mezkur herbiy rayonning bundin kéyinki siyasiy weziyette “Zorawanliq we térrorluqqa qarshi qet'iy küresh qilip, shinjangning jem'iyet muqimliqini saqlashqa töhpe qoshidighanliqi” alahide eskertilgen.

Analizchilarning pikriche bu xildiki muntizim “Herbiy rayon” lar ichki tinchliq shara'itida adette dölet zéminini tashqi düshmen küchlerdin saqlash we mudapi'e qilish üchün tesis qilinidighan bolup, emdilikte “Shinjang herbiy rayoni” ning rayon tewesidiki “Zorawanliqni basturup jem'iyet muqimliqini qoghdash” ni bundin kéyinki asasliq wezipe qilishi alahide ehwal hésablinidiken.

Analizchilarning qarishiche, mezkur xewerdiki uchurlardin xitay da'irilirining Uyghur rayonidiki qarshiliq we naraziliq heriketlirini basturushta qoralliq saqchi qisimlardin bashqa yene “ Shinjang herbiy rayonini” din ibaret muntizim armiyegimu tayinidighanliqini körüwélish mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.