Хитай биңтуәнниң җәнубқа кеңишини тезлитиштә тарим дәрясиниң екологийәлик муһитиға көпләп мәбләғ селишқа мәҗбур болған

Мухбиримиз әркин
2021-09-01
Share

Хитайниң "шинҗаң ишләпчиқириш-қурулуш биңтуәни" ни җәнубқа кеңәйтип, уйғурларни контрол қилиш униң 14-бәш йиллиқ пиланидики муһим түрләрниң бири. Бирақ у бу мәқсәтни ишқа ашурушта җәнубий уйғур елиниң екологийәлик муһит мәсилисигә дуч кәлгән.

Хитай таратқулиридин мәлум болушичә, шу сәвәблик даириләр тарим дәрясиниң екологийәлик муһитини түзәшкә көпләп мәбләғ селишқа мәҗбур болған болуп, буниңда уларниң нишани ақсудики биңтүән 1-девизийәси турушлуқ аралға қаратқан.

Хитайниң "җуңго хәвәрләр агентлиқи" 1-сентәбир күни бәргән бу һәқтики хәвиридә, арал шәһири су-иншаат даирилириниң өткән бир ай ичидә тәклимакан чөллүкиниң җәнубий четигә 62 милйон күп метир екологийәлик су қоюп берип, йол бойидики 150 километирлиқ екологийәлик орманлиқ, чатқаллиқ, сөгәтлик вә башқа өсүмлүкләрни суғарғанлиқи шундақла бу райондики екологийәлик тәңпуңлуқниң көрүнәрлик дәриҗидә әслигә келишкә башлиғанлиқини билдүргән.

Хәвәрдә ейтишиличә, биңтүән 1-девизийәсиниң 11-полки екологийәлик суғуруш бәлвеғиға тәвә һалқилиқ район икән. 2017-Йили башланған чоң тутқунда хитай һөкүмити ‍аз дегәндә бир милйон 800 миң уйғурни лагер, түрмиләргә қамаш билән бир вақитта, биңтуәнни җәнубқа кеңәйтишни тезләткән. Даириләр биңтуәнни җәнубқа кеңәйтишниң бир муқимлиқ қурулуши икәнликини илгири сүрүп кәлгән. Америка һөкүмити өткән йили биңтуәнниң уйғурларни бастурушта ойниған роли сәвәблик униңға ембарго қойғаниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт