Xitay bingtu'enning jenubqa kéngishini tézlitishte tarim deryasining ékologiyelik muhitigha köplep meblegh sélishqa mejbur bolghan

Muxbirimiz erkin
2021-09-01
Share

Xitayning "Shinjang ishlepchiqirish-qurulush bingtu'eni" ni jenubqa kéngeytip, Uyghurlarni kontrol qilish uning 14-besh yilliq pilanidiki muhim türlerning biri. Biraq u bu meqsetni ishqa ashurushta jenubiy Uyghur élining ékologiyelik muhit mesilisige duch kelgen.

Xitay taratquliridin melum bolushiche, shu seweblik da'iriler tarim deryasining ékologiyelik muhitini tüzeshke köplep meblegh sélishqa mejbur bolghan bolup, buningda ularning nishani aqsudiki bingtüen 1-déwiziyesi turushluq aralgha qaratqan.

Xitayning "Junggo xewerler agéntliqi" 1-séntebir küni bergen bu heqtiki xewiride, aral shehiri su-insha'at da'irilirining ötken bir ay ichide teklimakan chöllükining jenubiy chétige 62 milyon küp métir ékologiyelik su qoyup bérip, yol boyidiki 150 kilométirliq ékologiyelik ormanliq, chatqalliq, sögetlik we bashqa ösümlüklerni sugharghanliqi shundaqla bu rayondiki ékologiyelik tengpungluqning körünerlik derijide eslige kélishke bashlighanliqini bildürgen.

Xewerde éytishiliche, bingtüen 1-déwiziyesining 11-polki ékologiyelik sughurush belwéghigha tewe halqiliq rayon iken. 2017-Yili bashlan'ghan chong tutqunda xitay hökümiti ‍az dégende bir milyon 800 ming Uyghurni lagér, türmilerge qamash bilen bir waqitta, bingtu'enni jenubqa kéngeytishni tézletken. Da'iriler bingtu'enni jenubqa kéngeytishning bir muqimliq qurulushi ikenlikini ilgiri sürüp kelgen. Amérika hökümiti ötken yili bingtu'enning Uyghurlarni basturushta oynighan roli seweblik uninggha émbargo qoyghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet