Uyghur élidiki bingtu'en da'iriliri bu yil xitay ölkiliridin 100 ming xadim qobul qilidiken

Muxbirimiz irade
2018.11.08

Xitay hökümiti Uyghurlarni “Yéza éshincha emgek küchini yötkep ishqa orunlashturush” dégen nam bilen öz jayidin yötkep xitay ölkilerge orunlashturushni tézleshtürüsh bilen bir waqitta, xitay ölkiliridin zor sandiki xitay xadimlarni Uyghur diyarigha yötkeshnimu mas qedemde élip barmaqtiken.

“Shinjang géziti” ning xewirige qarighanda, xitay hökümiti bu yilning aldinqi 10 éyida Uyghur élining ichi we sirtigha 2 milyon 729 ming adem qétim atalmish “Éshincha emgek küchi” ni yötkep “Wezipisini baldur orundighan”. Buning ichide xitay ölkilirige yötkep kétilgen adem sanining özila 25 ming neperdin ashqan.

Xitay da'iriliri Uyghur emgek küchlirining “Éshincha” ikenlikini ilgiri sürüp, ularni xitay ölkilirige yötkewatqan bir shara'itta Uyghur élide turushluq xitay ishlepchiqirish-qurulush armiyesi, yeni bingtu'en xitay ölkiliridin jem'iy yüz ming xadim qobul qilidighanliqini jakarlighan. “Bingtu'en géziti” ning 6-noyabir künidiki xewiride bu yil ichide bingtu'enning xitay ölkiliridiki aliy mektep püttürgen yashlarni qobul qilish nisbitini 100 minggha yetküzüshni pilanlawatqanliqini bildürgen.

Chet'ellerdiki Uyghur közetküchiler xitay hökümitining Uyghurlarni xitay ölkilirige yötkesh we ularning ornigha xitay xitay ölkiliridin köchmen yötkep, Uyghurlarni assimilyatsiye qilishni tézletmekchi boluwatqanliqini tekitlidi we yuqiriqi bu xewerni uning roshen signali, dep körsetti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.