Uyghur élide turushluq ishlepchiqirish-qurulush armiyisi 800 din artuq saqchi xadimi qobul qilidiken

Muxbirimiz irade
2017-12-08
Élxet
Pikir
Share
Print

Xitayning Uyghur élide turushluq ishlepchiqirish-qurulush armiyisi, yeni bingtu'en da'iriliri pütün xitay miqyasidin Uyghur élining jenubidiki bingtu'enning herqaysi polk we meydanlirigha yene 827 neper saqchi xadimi qobul qilidiken.

Shinxu'a torining bu heqtiki xewiridin qarighanda, bingtu'en bu yil axirighiche jenubiy Uyghur élidiki bingtu'enning polklirini asas qilip, 1012 neper memuriy xadim qobul qilidighanliqi heqqide uqturush chiqarghan. Emma uqturushta diqqet qozghaydighini, bingtu'en'ge qobul qilinidighan 1012 neper memuriy xadimning 827 nepiri jama'et xewpsizlik tarmaqlirigha qobul qilinidiken. Bu xitay hökümitining Uyghur élini ismi-jismigha layiq "Saqchi döliti" ning sistémisi boyiche bashquruwatqanliqi heqqidiki pikirlerni yenimu kücheytmekte. 

Chén chüen'go wezipige olturghandin buyan Uyghur élida türküm-türkümlep qobul qiliniwatqan saqchi sani közetküchilerning diqqitini qozghighan. Gérmaniyediki yawropa medeniyet we ilahiyetshunasliq institutining tetqiqatchisi adriyan zénzning yéqinda élan qilghan bir doklatida, Uyghur élide 11 ay ichide chiqirilghan saqchi qobul qilish élanliridiki ish orunlirining ötken 10 yildiki omumiy sandin 50 pirsent örlep ketkenlikini bildürgen idi. 

Melum bolushiche, chén chu'en'go wezipige olturghandin buyan, Uyghur élida eng jiddiy élip bérilghan qurulushlarning biri 'xelqqe qulayliq saqchi ponkiti' ni omumlashturush bolghan we netijide bu ponkétlargha ghayet zor sanda saqchi qobul qilish bashlan'ghan. Ürümchi shehirining özidila minggha yéqin "Saqchi ponkiti" köpeytip sélin'ghan bolup, hazir pütkül Uyghurlar diyarigha omumliship bolghan. Saqchi ponkitliri her nechche yüz métirda birdin jaylashqan iken. Közetküchiler, Uyghur élini 21-esirdiki "Saqchi döliti" ning mukemmel bir örniki, dep körsetmekte.

Toluq bet