Биңтүән 104 - полкида йимәкликтин зәһәрлиниш вәқәси йүз бәрди


2013-08-13
Share

Хитайниң уйғур елидики ишләпчиқириш, қурулуш армийисииниң үрүмчи әтрапидики 104 - полкида 9 - авғуст күни суда пишурулған хасиңдин зәһәрлиниш вәқәси йүз берип, 34 киши дохтурханиға елип берилған. Әмма бу вәқә һәққидики хәвәр хитайниң һөкүмәт мәтбуатлирида 3 күндин кейин елан қилинди.

Хитайниң 13 - авғусттики хәвиридә дейилишичә, биңтүән 12 - девизийисигә қарашлиқ 104 - полкиниң тохо фермиси әтрапидики базарда фән фамилилик киши сатқан суда пишурулған хасиңни йигән 34 кишидә шу күни қиззиш, мағдурсизлиниш, ичи сүрүш, көңли елишиш қатарлиқ аламәтләр көрүлгән.

Йеқинқи йиллардин буян йимәкликтин зәһәрлиниш вәқәлири хитайда үзлүксиз йүз берип келиватқан болсиму, әмма бундақ вәқәләр һәққидики хәвәрләр һәр вақит вәқә йүз берип бирнәччә күндин кейин мәлум болмақта яки вәқә кичиклитилип берилгән һәтта йошурулған әһваллар көрүлмәктә. 2011 - Йили уйғүр елиниң хотән вилайитидә йүз бәргән аччиқсудин зәһәрлинип адәм өлүш вәқәси һәққидики хәвәрму аввал чәтәл мәтбуатлирида берилгәндин кейин, хитайниң һөкүмәт хәвәрлиридә берилгән иди. Шу қетимқи вәқәдә көп адәм зәһәрлинип, улардин бәзилири өлгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт