"Jenubiy xitay seher pochtisi" émbargoning bingtüen'ge köp xil tesiri bolidighanliqini bildürdi

Muxbirimiz erkin
2020-08-24
Share

Xongkongdiki "Jenubiy xitay seher pochtisi" géziti 24-awghust xewer bérip, amérikaning "Shinjang ishlepchiqirish qurulush bingtu'eni" ge yürgüzgen émbargosi amérika tashqi mülük kontrol ishxanisining tarixidiki eng chong émbargo ikenliki, uning bingtü'en'ge köp xil tesiri bolidighanliqini ilgiri sürdi. Xewerde tekitlinishiche, émbargo bankilarning qerz bérishini boghushtin tartip, uning paxta, pemidurgha oxshash yéza igilik mehsulatlirini éksport qilishighiche bolghan köp xil sahelerge tesiri bolidiken.

Yéqinda amérikadiki "Sayari" namliq tor békiti bingtu'enning 147 dölettiki 860 mingdin artuq shirkette péyi barliqini ashkarilighan. Xewerde ilgiri sürülüshiche, bingtu'enning 2018-yilidiki omumi ishlepchiqirish daramiti 36 milyard 400 milyon dollar bolup, u 5 milyard 880 milyon dollarliq mehsulat éksport qilghaniken. Sabiq amérika diplomati, "Xarris brénkén xelq'ara qanun shirkiti" ning adwokati fred rokafort bu émbargoning "Ijabiy bir tereqqiyat" ikenliki, lékin uning bingtu'en'ge yürgüzülidighanliqini oylap baqmighanliqini bildürgen.

Uning tekitlishiche, bu émbargoni "Xitayning bir ölkisi yaki bir chong shehirini jazalashqa sélishturush mumkin" iken. Xewerde yene soda adwukatlirining émbargo xelq'ara bankilarning bingtu'en bilen soda qilishini cheklishi mumkin, dep qarawatqanliqi, amérikadiki "Réd simit qanun shirkiti" ning adwokati sarah wroniskining xelq'ara bankilarning bingtu'en bilen bolghan mu'amilisi amérika tashqi mülük kontrol qilish ishxanisi teripidin qattiq teqib qilinidighanliqini bildürgenliki tekitlen'gen. Amérika maliye ministirliqi bu yil 31-iyul bingtu'en'ge uning Uyghurlarni depsende qilishta muhim rol oynawatqanliqi seweblik émbargo yürgüzgenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet