Uyghur aptonom rayoni bingtu'en'ge memuriy qanun yürgüzüsh hoquqi bergen

Muxbirimiz eziz
2017.12.29

Uyghur aptonom rayonluq xelq qurultiyi yéqinda qarar maqullap, shinjang ishlepchiqirish-qurulush bingtu'enige xelq qurultiyi xizmet komitéti tesis qilishini we uninggha memuriy qanun yürgüzüsh hoquqi bérishni testiqlighan.

Mezkur qarar Uyghur aptonom rayonluq xelq qurultiyining bu yil 29‏-noyabir ötküzülgen 33‏-nöwetlik yighinida maqullan'ghan bolsimu, emma bu xewer xitay axbarat wasitilirining emdi diqqitini qozghighan. Uyghur aptonom rayonluq xelq qurultiyining qararida körsitilishiche, bingtu'en xelq qurultiyi xizmet komitéti aptonom rayonluq xelq qurultiyining wakalet orgini bolup, u bingtu'enning ijtima'iy, iqtisadiy, muqimliq jehetlerdiki éhtiyajigha asasen aptonom rayonluq xelq qurultiyigha qanun teklipi sunush, bingtu'endiki memuriy, edliye organlirining alaqidar qanunlarni ijra qilish ehwalini nazaret qilish qatarliq hoquqlarni yürgüzidiken. 

Shinjang ishlepchiqirish-qurulush bingtu'eni 1954‏-yili xitay azadliq armiyisining bir qisim eskerliri we gomindangning Uyghur rayonida esirge chüshken eskerliridin qurulghan. U 1975‏-yili “Uyghur aptonom rayonluq hökümetning xizmitini normal yürgüzüshige tosalghu bolghanliqi” üchün bir mezgil tarqitiwétilgen. U 1982‏-yili yene eslige keltürülgen bolsimu, emma uninggha héchqachan qanun yürgüzidighan bir derijilik memuri gewde, dégen shtat bérilip baqmighan. Béyjing hökümiti peqet 2009‏-yili “5‏-Iyul weqesi” din kéyin uninggha resmiy bir derijilik memuri gewde shtat bergen. Biraq bezi mutexessisler, béyjing hökümitining bu qarari uning alaqidar qanunlirigha xilap ikenliki, bu Uyghur aptonom rayonining öz fonkisiyesini jari qildurushigha tosqunluq qilidighanliqini agahlandurup kelgen. Xitay axbarat xewerliride qeyt qilinishiche, bingtu'en xelq qurultiyi xizmet komitétining ezaliri 11 din 15 kéche kishidin teshkil tapidiken. Xewerde, ularni aptonom rayonluq xelq qurultiyi teyinleydighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.