Uyghurlar ‏15-mart küni "Bir awaz, bir qedem" de namayish qildi

Muxbirimiz irade
2018-03-15
Élxet
Pikir
Share
Print

Bügün yeni 15-mart peyshenbe küni, dunyaning herqaysi döletliridiki Uyghurlar "Bir awaz, bir qedem" sho'ari astida keng kölemlik namayish uyushturup, xitay hökümitining Uyghur élide yürgüzüwatqan siyasitige naraziliq bildürdi.

Bu keng kölemlik namayish amérika, kanada, en'gliye, gérmaniye, shiwétsiye, norwégiye, gollandiye, firansiye, türkiye, awstraliye we yaponiye qatarliq döletlerning hemmiside oxshash bir künde élip bérildi. Melum bolushiche, bu muhajirettiki Uyghurlar chet'ellerde teshkilligen kölimi eng zor namayishlarning biri iken. Bügün, amérika birleshme agéntliqi, nyu-york kündilik xewerler tori we awstraliye xewerliri tori qatarliq axbarat organliri teripidin xewer qilindi.

Birleshme agéntliqi öz xewiride, xitay hökümitining Uyghurlargha yürgüzüwatqan siyasitining dunyadiki eng chékidin ashqan siyasetlerning biri ikenlikini, shunga chet'ellerde yashawatqan Uyghur jama'itining namayish qilip, Uyghur élidiki qattiq nazaret siyasiti we yépiq terbiyelesh lagérlirigha naraziliq bildürgenlikini bayan qilghan.

"Bir awaz, bir qedem" herikiti muhajirettiki Uyghur ayallirining özlükidin teshkillinishi bilen ikki ay ilgiri meydan'gha kelgen idi. Deslepte amérikining nyu-york shehiridiki b d t binasi aldida namayish ötküzüsh teshebbusi bilen bashlan'ghan bu heriket kéyin zoriyip, 14 dölettiki Uyghur jama'itigiche kéngeygen.

Toluq bet