Uyghurlarning 15-marttiki namayishi "Dewr" zhurnili qatarliq xelq'araliq axbarat wasitiliride xewer qilindi

Muxbirimiz shöhret hoshur
2018-03-16
Élxet
Pikir
Share
Print

Tünügün dunyaning herqaysi jaylirida ötküzülgen "Bir awaz, bir qedem" namidiki Uyghurlarning namayishi bügün "Dewr" zhurnili, "Washin'gton pochtisi" qatarliq xelq'aradiki nopuzluq axbarat wasitiliride xewer qilindi.

Xewerlerde Uyghur rayonida nöwette keng kölemde "Yépiq terbiye lagérliri" tesis qilin'ghanliqi we bixeterlik tedbirliri nami astida basturush heriketliri dawam qiliwatqanliqi tilgha élindi. Namayishlarning nyu-yorktiki b d t binasi, awstraliyediki sidnéy sheher mejlisi, istanbuldiki istiqlal kochisi qatarliq herqaysi döletlerning merkizi orunlirida ötküzülgenliki tilgha élin'ghan xewerlerde Uyghur rayonidiki weziyetning kündin-kün'ge yamanlishiwatqanliqi bayan qilindi.

"Dewr" zhurnilidiki xewerde yene Uyghurlarning xitay hökümitige qarita ghezep nepriti barghanséri éshiwatqanliqi seweblik yéqinqi yillarda süriyege minglarche Uyghurning jem bolghanliqi, Uyghur rayonida yüz bergen qanliq weqelerde yüzlerche kishining hayatidin ayrilghanliqi, xitay da'irilirining 2016‏-yildin bashlap, 10 nechche milyon Uyghur xelqini kolléktip hujum nishani qilghan zerbe bérish heriketlirini dawam qiliwatqanliqi eskertildi.

Uyghur rayonidiki "Yépiq lagérlar" mesilisini xelq'ara küntertipke ekélishini meqset qilghan bu qétimqi namayish amérika birleshme agéntliqi, awstraliye a b s agéntliqi we türkiyening "Millet" gézitidimu xewer qilindi.

Toluq bet