Chén chüen'go "Bir belwagh, bir yol" yighini mezgilidiki muqimliq tedbirlirini kücheytishni telep qildi

Muxbirimiz ümidwar
2017-05-07
Élxet
Pikir
Share
Print


14-15-May künliri béyjingda échilidighan xelq'araliq "Bir belwagh, bir yol" aliy rehberliri uchrishishi yighini jeryanidiki muqimliq we amanliq tedbirlirini kücheytish üchün Uyghur aptonom rayoni partkomi 5-may küni mexsus téléwiziye yighini chaqirip, bir qatar orunlashturushlarni élip barghan.

"Tengritagh" torining uchuridin ashkarilinishiche, 5-may küni ürümchide chaqirilghan mezkur muqimliqni kapaletke ige qilish téléwiziye yighinida partkom sékrétari chén chüen'go söz qilip, yéqinda échilidighan"Bir belwagh, bir yol" xelq'araliq hemkarliq yighini jeryanidiki Uyghur rayonining muqimliqni qoghdashni kücheytishni, hushyarliqni yuqiri derijide östürüshni telep qilghan.

Bu qétimqi téléwiziye yighinida asasliqi mezkur yighin jeryanidiki Uyghur rayoni da'irisidiki bixeterlik we muqimliqini qattiq qoghdash tedbirlirini békitish hem orunlashturush tekitlen'genliki melum.

Xitayning tunji qétimliq "Bir belwagh, bir yol" xelq'ara aliy rehberler yighini 14-15-may künliri béyjingda chaqirilidighan bolup, xitay terep bu yighin'gha 28 dölet aliy rehberliri ishtirak qilidighanliqini jakarlighan. Emma, uchur wasitiliridin melum bolushiche, shi jinpingning sahibxaniliqida échilidighan mezkur xelq'araliq aliy rehberler yighinigha qatnishidighan memliketler asasliqi asiyadiki döletler bolup, gherb döletliri rehberliri qatnashmaydiken.

Toluq bet