Бермидики етник хитай қораллиқ күчлири хитайниң ярдимигә еришкәнликини рәт қилди

Мухбиримиз әркин
2015-02-25
Share


Берма - хитай чегрисидики етник хитай қораллиқ гуруһиниң рәһбири, хитай ялланма әскәрлириниң өзлиригә ярдәм қилип, берма һөкүмәт армийәсигә қарши уруш қиливатқанлиқини рәт қилди. Берма һөкүмити бурнакүн хитай ялланма әскәрлиириниң бермиға кирип, етник хитай қораллиқ гуруһиға ярдәм қилғалиқини билдүргән. Бейҗиң һөкүмитини берма билән һәмкарлишип, хитай земинини база қилған "террорлуқ һуҗум"ниң алдини елишқа чақирған иди.

16 - Феврал, бермидики етник хитай аз санлиқ миллитиниң коммунистик қораллиқ гуруһи - "берма демократик иттипақдаш армийәси" билән берма һөкүмәт армийси оттурисида қораллиқ тоқунуш партлиған. Хитай "йәр шари вақти гезити"ниң хәвәр қилишичә, етник хитай қораллиқ гуруһиниң рәһбири пең җяшиң,"хитай пуқралириниң бизниң сепимиздә уруш қилишиға йол қоймаслиқ бизниң принсипимиз" дәп көрситип, чүнки "бу бизгә зиянлиқ" дегән.

Хитай ташқи ишлар министирлиқи баянатчиси хуң лей, пәйшәнбә күни бейҗиң берминиң игилик һоқуқиға һөрмәт қилидиғанлиқини тәкитләп, һечкимниң җуңго туприқини база қилип мунасивәткә бузғунчилиқ қилишиға йол қоймайдиғанлиқини тәкитлигән. Хитай һөкүмити илгири берма миллий демократик иттипақдаш армийәсини изчил қоллап кәлгән. Мәзкур етник хитай қораллиқ гуруһи 1989 - йили берма коммунистик партийәсидин бөлүнүп чиққан иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт