Bérmidiki étnik xitay qoralliq küchliri xitayning yardimige érishkenlikini ret qildi

Muxbirimiz erkin
2015-02-25
Share


Bérma - xitay chégrisidiki étnik xitay qoralliq guruhining rehbiri, xitay yallanma eskerlirining özlirige yardem qilip, bérma hökümet armiyesige qarshi urush qiliwatqanliqini ret qildi. Bérma hökümiti burnakün xitay yallanma eskerli'irining bérmigha kirip, étnik xitay qoralliq guruhigha yardem qilghaliqini bildürgen. Béyjing hökümitini bérma bilen hemkarliship, xitay zéminini baza qilghan "Térrorluq hujum"ning aldini élishqa chaqirghan idi.

16 - Féwral, bérmidiki étnik xitay az sanliq millitining kommunistik qoralliq guruhi - "Bérma démokratik ittipaqdash armiyesi" bilen bérma hökümet armiysi otturisida qoralliq toqunush partlighan. Xitay "Yer shari waqti géziti"ning xewer qilishiche, étnik xitay qoralliq guruhining rehbiri péng jyashing,"Xitay puqralirining bizning sépimizde urush qilishigha yol qoymasliq bizning prinsipimiz" dep körsitip, chünki "Bu bizge ziyanliq" dégen.

Xitay tashqi ishlar ministirliqi bayanatchisi xung léy, peyshenbe küni béyjing bérmining igilik hoquqigha hörmet qilidighanliqini tekitlep, héchkimning junggo tupriqini baza qilip munasiwetke buzghunchiliq qilishigha yol qoymaydighanliqini tekitligen. Xitay hökümiti ilgiri bérma milliy démokratik ittipaqdash armiyesini izchil qollap kelgen. Mezkur étnik xitay qoralliq guruhi 1989 - yili bérma kommunistik partiyesidin bölünüp chiqqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet