Йүзлигән киши хитай қоллаватқан мис каниниң қайта ечилишиға қаршилиқ көрсәтти

Мухбиримиз җүмә
2016-05-08
Share


Җүмә күни йүзлигән бирмилиқ намайиш қилип, хитай қоллаватқан "летпадуаң" намлиқ бир мис каниниң қайта ечилишиға қаршилиқ көрсәткән.

Ройтерсниң хәвәр қилишичә, намайиш чаршәнбә күнидин башланған болуп, у күни намайишчилар мис канини қоғдаватқан қаравулларниң тосуқлирини бесип өткән.

Ройтерсниң йәрликләрдин егилишичә, "летпадуаң" мис кани "бирма ванбав" дәп атилидиған бир ширкәтниң игидарчилиқида болуп, у ширкәт хитайдики бир қорал ясаш ширкитиниң тармиқи икән.

Мәлум болушичә, "летпадуаң" мис канини бирма һәрбий даирилири билән бирма иқтисадий мәбләғ селиш чәклик ширкити бирлишип башқуридикән.

Йәрликләрниң ройтерсқа билдүрүшичә, ширкәт канни техиму кеңәйтиш үчүн деһқанларниң терилғу йәрлирини қанунсиз тартивалған.

Улар 2012 - вә 2013 - йиллириму чоң типики намайишларни қилип, кан ширкитиниң йәр - земинлирини игиливелишиға қаршилиқ көрсәткән.

Мәзкур кан мандалай шәһиридин 100 километир йирақлиққа җайлашқан болуп, 2013 - йилидики намайиштин кейин вақитлиқ тохтитип қоюлған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт