Bérmudadiki Uyghurlarning uruq-tughqanliri heqqidiki tepsiliy uchurlar ashkarilinip ketken

Muxbirimiz sada
2019-07-01
Élxet
Pikir
Share
Print

Bérmudada turushluq töt Uyghurning uruq-tughqanliri heqqidiki tepsiliy uchur bérmuda köchmenler idarisining sewenliki tüpeylidin jem'iyetke ashkarilinip ketken.

"Padishahliq gézit" torning 1-iyuldiki xewirige qarighanda, bu töt Uyghurning adwokati richard xorsmen bérmudadiki "Ammiwi uchurlarni körüsh nizami" boyiche yüksek mexpiy tutulidighan bu höjjetlerning ashkarilinip kétishige qarita endishisini bildürgen.

Xewerde richard xorsmenning bu heqte qilghan sözliri neqil élin'ghan. U mundaq dégen: "Biz awamgha ashkarilinip ketken bu höjjetlerning ichide Uyghurlarning shexsiy uchuriningmu barliqidin bekla heyran qalduq. Bérmudadiki 'ammiwi uchurlarni körüsh nizami' boyiche bu xildiki tepsilatlar mexpiy tutulushi kérek. Shundaq bolghan teqdirdimu uchuri ashkarilinip ketküchiler bu uchurlar ashkarilinip ketken jeryanda birer uqturushni tapshuruwélishi kérek idi."

U sözide yene köchmenler idarisining bu qilmishigha naraziliqini bildürüp, "Bu ish bizning hawale qilghuchilirimizgha éghir selbiy tesirni peyda qildi. Bu gerche bir memuriy xataliq bolsimu, lékin hökümet kishilerning shexsiy uchurigha munasiwetlik ishlarni bir terep qilghanda choqum diqqet qilish kérek. Eger bu uchurlar yaman niyetlik kishilerning qoligha chüshüp ketse, bérmudadiki Uyghurlar we ularning uruq-tughqanlirimu xeterlik ehwalda qalidu."

Xewerdin melum bolushiche, bérmuda köchmenler idarisi bu heqte soralghan so'allargha jawab bérishni ret qilghan.

Toluq bet