Bishkekte xitay elchixanisigha hujum qilish weqesining gumandarliri üstidin höküm élan qilindi

Muxbirimiz shöhret hoshur
2017-06-28
Élxet
Pikir
Share
Print

Qirghizistan soti tünügün, ötken yili bishkekte yüz bergen xitay elchixanisigha aptomobil bilen bombiliq hujum qilish weqesige chétishliq üch gumandar üstidin höküm élan qilghan.

Hökümde gumandarlardin hasamidin(?) isma'ilofqa 18 yilliq, hikmetulla abduljanuf bilen qunazim mansirowagha 10 yilliqtin qamaq jazasi bérilgen. Mehkumlarning üchilisi hökümde özlirige artilghan hujumni teshkillesh we iqtisad teminlesh eyiblimisini inkar qilghan.

Firansiye axbarat agéntliqining bügünki bu heqtiki xewiride, qirghiz da'irilirining eyni chaghda üch kishining yarilinishini keltürüp chiqarghan mezkur adem bomba hujumini xitaygha qarshi Uyghur qoralliq küchlirige mensup bir kishining sadir qilghanliqini ilgiri sürgenliki we hetta héchqandaq pakit körsetmestin hujumni süriyediki qoralliq küchlerge baghlighanliqi eslitip ötülgen.

Melum bolushiche, üch mehkumning adwokatliri mezkur hökümge qarshi naraziliq erzi sunidighanliqini bayan qilghan.

Toluq bet