بېتانى ئېيلىن: «پەرھات تۇرسۇن شىنجاڭدىكى بىخەتەر جايغا قامالدى»

مۇخبىرىمىز جەۋلان
2021-05-18
Share

Axios تورىدا بۈگۈن «بۇ رومانچى ھازىر شىنجاڭدىكى بىخەتەر جايدا قاماقلىق» ناملىق بىر ئوبزور ئېلان قىلىنغان بولۇپ، ئۇنىڭدا يازغۇچى پەرھات تۇرسۇننىڭ ئۇيغۇر ئەدەبىياتىدىكى ئالاھىدە ئورنى مۇھىم دىققەت نۇقتىسى سۈپىتىدە تىلغا ئېلىنغان.

بۇ ئوبزۇردىن ماقالە ئاپتورى بېتانى ئېيلىن خانىمنىڭ خىتايدا مۇخبىرلىق قىلغانلىقى، پەرھات تۇرسۇن بىلەن كۆرۈشكەنلىكى ۋە ئۇنىڭ ئىجادىيەت تارىخىنى ۋە يېزىقچىلىق ئۇسلۇبىنى خېلىلا چوڭقۇر چۈشىنىدىغانلىقى كۆرۈنۈپ تۇرىدۇ.

ئۇ مۇنداق دەپ يازىدۇ: «پەرھات تۇرسۇن شىنجاڭدىكى ئالدىنقى قاتاردىكى مودېرنسىت يازغۇچىلاردىن بولۇپ، كافكا بىلەن جالالىدىن رۇمىنىڭ تەسىرىگە ئۇچرىغان. ئۇ 16 يىللىق كېسىلىپ، خىتاي تۈرمىسىگە قامالدى. ئۇ يۈزلىگەن ئۇيغۇر زىيالىيلىرى قاتارىدا كوممۇنىست خىتاي ھۆكۈمىتىنىڭ ئۇيغۇر مەدەنىيىتىنى يوقىتىش ھەرىكىتىنىڭ قۇربانىغا ئايلاندى».

بۇ ئوبزۇردا ماقالە ئاپتورى پەرھات تۇرسۇننىڭ ئۆز ۋاقتىدا ئۇيغۇر جەمئىيىتىدە خاتا چۈشىنىش ۋە يەكلىنىشكە ئۇچرىغانلىقىنى تىلغا ئېلىشتىن چېكىنمىگەن، بۇ ھەقتە مۇنداق دېگەن: «پەرھات تۇرسۇن 1999-يىل ˃ئۆلۈۋېلىش سەنئىتى˂ ناملىق رومانىنى ئېلان قىلغاندىن كېيىن كىتابىنىڭ كۆيدۈرۈلۈشىگە ۋە ئۆلۈم تەھدىتىگە ئۇچرىشىغا سەۋەب بولغان». ماقالە ئاپتورىنىڭ پەرھات تۇرسۇننى «ئۇ ھازىر بىخەتەر جايغا قامالدى» دەپ كىنايە قىلىشى بەلكىم شۇ نۇقتىنى كۆرسەتسە كېرەك.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت