Uyghur élide bixeterlik tedbirliri kücheytilgen

“5-Iyul weqesi” ning 4 yilliqi yétip kélish aldida, béyjing da'iriliri Uyghur élide bixeterlik tedbirlirini kücheytken. Ürümchide qatnash tügünliri qamal qilinip, ürümchige kirip – chiqidighan barliq qatnash wasitiliri tekshürülüshke bashlighan.

Bu heqtiki uchurlargha qarighanda, tekshürüsh bashlan'ghandin kéyin, ürümchi kochilirida éghir qatnash qistangchiliqi kélip chiqip, kishilerning kündilik turmushigha qulaysizliq yetken.

“Sumurgh” xewer qanilida körsitishiche, 2-iyuldin bashlap ürümchidiki her qaysi poyiz istansilirida ichimlik, girim buyumliri, suyuqlandurulghan yémeklerni poyizgha élip chiqquchilar alahide tekshürüsh obyéktigha aylan'ghan.

Ilgiri xitaydiki poyizlargha, qoral, zeherlik we asan partlaydighan buyumlar, yingne, pichaq qatarliq tighliq eswablarni élip chiqish cheklen'gen idi.

Bu yil 2009-yilidiki “5-Iyul weqesige” gha töt yil toshidu.

Xitay da'iriliri 2009-yili 5-iyul kechqurun adalet telep qilip namayishqa chiqqan Uyghur yashlirini qanliq basturghan.

Chet'ellerdiki Uyghur teshkilatliri namayishtin kéyin 10 minggha yéqin Uyghurning qolgha élin'ghanliqini ilgiri sürgen idi.