Amérika tashqiy ishlar ministiri blinkén Uyghur lagér shahitliri we pa'aliyetchiliri bilen körüshken

Muxbirimiz erkin
2021.07.06

Amérika tashqiy ishlar ministiri antoniy blinkén 6-iyul küni chüshtin kéyin amérikadiki Uyghur lagér shahitliri, a'ile ezaliri tutqundiki Uyghur pa'aliyetchiliri bilen ékran arqiliq körüshken.

Melum bolushiche, bu körüshüsh burun orunlashturulghan bolsimu, biraq blinkénning küntertipining jiddiyliki seweblik 6-iyulgha kéchiktürülgen idi. Amérika tashqiy ishlar ministirliqi blinkénning kimler bilen körüshkenliki we qandaq mesililerni sözleshkenliki toghrisida téxiche uchur élan qilip baqmidi.

Amérika tashqiy ishlar ministirliqining bayanatchisi néd prays bügünki axbarat yighinida muxbirlarning bu heqqidiki su'aligha jawap bérip, blinkénning lagér shahitliri, a'ile ezaliri tutqundiki pa'aliyetchilerdin bolup 7 dek kishi bilen körüshidighanliqini bildürgen. U bu toghrisida kéyinrek melumat béridighanliqini éytqan.

Néd prays bu körüshüshning blinkénning xitay siyasitidiki kishilik hoquq poziysiyesini qayta mu'eyyenleshtüridighanliqini, shinjangda xitay hökümitining basturushigha uchrighan shexsler bilen alaqe qurushigha purset yaritip béridighanliqini bildürgen.

U yene bu yighinda pa'aliyetchilerning shinjangdiki wehshiyliklerge qandaq taqabil turush toghrisida tashqiy ishlar ministirliqini teklip-pikirler bilen teminlishi mumkinlikini éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.