Blinkénning Uyghur lagér shahitliri we a'ile ezaliri tutqundiki Uyghurlar bilen körüshüshi xitayni bi'aram qilghan

Muxbirimiz erkin
2021-07-09
Share

Amérika tashqiy ishlar ministiri blénkinning 6-iyul amérikadiki bir qisim lagér shahitliri we a'ile ezaliri tutqundiki Uyghur pa'aliyetchiliri bilen körüshüshi xitay da'irilirini bi'aram qilghan. Xitay hökümitining "Yer shari waqti" géziti 8-iyul bu toghrisida maqale élan qilip, blénkinni "Sherqiy türkistan térorliq  teshkilatliri" ning qollishigha ériship kelgen shahit ‍aktyorlarning "Yalghan sözliri" ge qulaq sélish bilen eyibligen.

"Yer shari waqti" gézitining qarishiche, blénkin bu kishilerning sözige  qulaq sélish ornigha shinjangni ziyaret qilip, "Heqiqi birinchi qol uchur" gha érishishi kérek ‍iken. Xitay da'iriliri burunmu sabiq amérika tashqiy ishlar ministiri pompéyoning "Shinjangni ziyaret qilip, heqiqiy ehwalni öz közi bilen körüp kélish" ke teklip qilghan. Emma Uyghur rayonida bolidighan herqandaq bir ziyaretning "Irqiy qirghinchiliq" qa a'it "Delil toplash üchün emes, belki dostane ziyaret" bolushini shert qilip kelgen idi.

Melum bolushiche, blénken 6-iyul küni 7 neper lagér shahiti we lagér tutqunliri a'ile ezaliri bilen söhbet ötküzgen. Blinkén 7-iyul tiwittérgha yollighan mezkur körüshüshi heqtiki uchurida: "Men shinjangdiki jaza lagérliridin hayat qalghanlar we pa'aliyetchiler bilen körüshkenlikimdin iptixarliq tuydum. Amérika xitay hökümitining shinjangda yürgüziwatqan wehshilikining ziyankeshlikige uchrighan shexslar bilen bir septe turidu. Biz ular we ularning a'ile tawabi'atliri üchün adalet izdeshni dawamlashturimiz," digen.

Blénkin Uyghurlar bilen körüshüp ‍arqidinla amérika hökümiti Uyghur élidiki kishilik hoquq depsendichiliki we yuquri téxnikiliq nazaretke qatnashqan 14 xitay shirkitini amérikaning soda "Qara tizimliki" ge kirgüzgen.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet