Wolkéswagén we BMW ning Uyghur mejburiy emgiki bilen bolghan alaqisi tekshürüshke duch kelgen

Muxbirimiz erkin
2022-04-08
Share

Amérikadiki “Xorizon” (upuq) namliq meslihet bérish shérkiti élan qilghan yéngi doklatta, BMW we wolkéswagén qatarliq dunyadiki dangliq aptomobil ishlepchiqirish shérketlirining mal teminligüchiler arqiliq xitayning Uyghurlar rayonidiki mejburiy emgek programmilirigha baghlan'ghanliqini bildürgen.

“Blumbérg xewerliri” agéntliqining 8-aprél xewer qilishiche, bu mesile xitayning rayondiki alyumin ishlepchirishini merkiziy nuqta qilghan bolup, bu xitayning teminat zenjiridiki kishilik hoquq depsendichilikige chétishliq bashqa bir muhim sahege so'al qoyghan.

“Blumbérg xewerliri” tori “Xorizon” ning doklatini neqil keltürüp bergen xewiride, BMW, hemmibab aptomobil, wolkéswagén qatarliq shirketlerni zapchas bilen teminleydighan karxanilar, shundaqla xitayning éléktirliq aptomobil ishlepchiqirish shérkiti bolghan ni'o (Nio ) we BYD qatarliq shirketlerning Uyghur élidiki mejburiy emgek programmisigha chétishliq ikenliki qeyt qilin'ghan. Xewerde bu ehwal Uyghur élidiki ishlepchiqirish baziliri bilen xelq'ara dangliq markilarning alaqisini üzül-késil éniqlashning qanchilik müshkül ikenlikini körsitidighnaliqi tekitlen'gen.

Xewerde éytilishiche, wolkéswagén shirkiti özining Uyghur rayonidiki mal teminligüchilirining mejburiy emgekke chétilghanliqigha da'ir delil yoqliqi, mehsulatlirigha Uyghur élida ishlepchiqirilghan alyuminlarning ishlitilgenlikidin xewersiz ikenlikini éytqan. BMW Shirkiti bu shirketning “Her xil bahalashlar arqiliq dawamliq qa'idige emel qilishni közitiwatqanliqi” ni bildürgen. Amérika hökümiti Uyghur élida ishlepchiqirilghan paxta, pemidur, quyash énirgiye taxtisi qatarliq mehsulatlirini chekligen bolsimu, biraq alyumin mehsulatliri hazirgha qeder diqqet qozghimighan. Melum bolushiche, Uyghur élida ishlepchiqirilghan alyumin mehsulati dunya alyumin mehsulatining 9 pirsentini igilleydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet