Bo shiley ammining puligha kelgende taza semimiy bolup kételmigenlikini bildürdi
2013.08.24
Peyshenbe künidin buyan sotliniwatqan chungchingning sabiq sheher bashliqi bo shiley özige artilghan bezi jinayetlerni ten aldi we ammining puligha kelgende taza semimiy bolup kételmigenlikini bildürdi.
U, özi ishletken bir qisim pullarni waqtida qayturup bérelmigenlikidiki mes'uliyetni öz üstige alidighanliqini bildürdi we: men buningdin intayin xijilliq hés qilimen, dédi.
Aldinqi küni uning ayali gu keyley érige qarshi guwahliqtin ötüp, bo shiley peyshenbe küni “Xewirim yoq” ret qilghan bir qisim zang mallarni érining bilidighanliqini bildürgen.
Bo shiley gu keyleyni “Sarang” dep eyligen idi.
Bügünki xewerlerge qarighanda, bo shileyning yiqilishigha seweb bolghan chungchingning sabiq saqchi bashliqi wang lijünmu sotta guwahliqtin ötidiken.
Bu yilning béshida, wang lijüng chéngdudiki amérika konsulxanisigha panahliq tilep kiriwalghandin kéyin, bo shiley setchiliki ashkarilan'ghan. Netijde bu, xitay kommunistliri hakimiyet sorushqa bashlighandin buyanqi xitayni eng chong zilzilige alghan délolarning biri bolup qalghan idi.
Bezi közetküchiler bo shiley üstidin échiliwatqan sotning xitay siyasiy sehnisidiki tiyatir oyunlirining bir qismi ikenlikini bildürüshmekte.