Boshün tori shiyang nenfuning“Döletning yüzige qara sürkesh” jinayiti bilen tutqun qilin'ghanliqini eylidi

Muxbirimiz méhriban
2014-05-13
Share

Boshün torigha uchur yollighan shiyang nenfuning “Torda yalghan uchur yollap döletning yüzige qara sürkigen” dégen jinayet bilen eyiblinip, béyjing saqchiliri teripidin qolgha élin'ghanliq xewiri tarqalghandin kéyin, boshün tori düshenbe küni bayanat élan qilip, shiyang nenfuning peqet bir tordash bolush süpiti bilen boshün torigha uchur yollighanliqini tekitlep, xitay da'irilirining uni “Döletning yüzige qara sürkesh” jinayiti bilen eyiblep qolgha élishini bimenilik dep eyiblidi.

Xitayning hökümet metbu'atlirida béyjingliq shiyang nenfuning ötken yilidin bashlap boshün torigha xitay hökümitining yüzini tökidighan yalghan uchurlardin 1300 ni yollighanliqi üchün 2-may küni béyjing saqchiliri teripidin qolgha élin'ghanliqi xewer qilin'ghan.

Yéqindin buyan xitayda “Torda yalghan uchur yollughuchilargha we chet'el metbu'atlirigha dölet mexpiyetlikini ashkarilighuchilargha zerbe bérish” namida tutqun qilish herikiti élip bérilmaqta.8 -May küni béyjing da'irilirining70 yashliq musteqil zhurnalist gaw yüni “Chet'el metbu'atlirini junggoning dölet mexpiyetlikini ashkarilaydighan uchurlar bilen teminligen” dégen jinayet bilen eyiblep qolgha alghanliq xewiri tarqalghandin kéyin, xelq'ara kishilik hoquq teshkilatliri we gherb démokratik döletliri xitay hökümitini puqralarning pikir erkinlikini basturghanliq bilen tenqid qilip, ayal muxbir gaw yüni qoyup bérishni telep qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet