Xitay kompartiyisi siyasiy byurosining sabiq ezasi bo shiley muddetsiz qamaqqa höküm qilindi

Muxbirimiz ümidwar
2013-09-22
Élxet
Pikir
Share
Print

Xitay kompartiyisi merkiziy komitéti siyasiy biyorosining sabiq ezasi, chong ching shehiri partkomning sabiq sékrétari bo shiley jinen ottura sot mehkimisi teripidin muddetsiz qamaq jazasigha höküm qilindi.

Amérika birleshme agéntliqining xewer qilishiche, bo shileyge xiyanetchilik we öz hoquqidin paydilinish qatarliq jinayetler artilip muddetsiz qamaqqa höküm qilinish bilen birge siyasiy hoquqidin menggü mehrum qilin'ghan.

Sot yene bo shileyning barliq shexsiy mal - mülkini musadire qilishni belgiligen. Jinen sot mehkimisining hökümide uning xiyanetchilik jinayiti üchün 15 yilliq, hoquqidin paydilinish jinayiti üchün 7 yilliq bolup, hemmisi qoshulup, muddetsiz qamaq jazasigha höküm qilin'ghanliqi éytilghan.

Bu xitaydiki bir qétimliq eng yuqiri derijilik partiye rehbirining tunji qétim muddetsiz qamaq jazasigha höküm qilinishi bolup hésablinidu.

Sot mehkimisi yene eger bo shiley hökümge qayil bolmisa, höküm élan qilinip, 2 - kunidin bashlap 10 kün ichide shendong ölkilik yuqiri sotqa erz qilsa bolidiken.

Ikki yilgha yéqin xitay jem'iyiti we xelqara jem'iyette munazire qozghap kelgen bo shiley weqesi shuning bilen oz xulasisini tapti. Emdi, bo shiley weqesige munasiwetlik bashqa shexslerning qandaq aqiwetke qélishi diqqet nezerde turmaqta.

Toluq bet