Bo shileyning jazalinishi türlük inkas qozghimaqta

Muxbirimiz ümidwar
2013-09-22
Élxet
Pikir
Share
Print


Xitay hökümitining awazi hésablinidighan xelq géziti yekshenbe küni bo shileyge muddetsiz qamaq jazasi höküm qilinish munasiwiti bilen bash maqale élan qilip, parixorluqqa qarshi küreshni dawamlashturidighanliqini tekitlidi.

Bash maqale témisi " Qanun'gha tayinip, chiriklikke qarshi turup, pak siyasiy tüzüm qurayli" dep ataldi. Maqalide xitay kompartiyisining parixorluq we chiriklikke qet'iy zerbe béridighanliqi qattiq yosunda tekitlendi.

Bo shileyning muddetsiz qamaqqa höküm qilinishi xitay kompartiyisi yuqiri qatlimidiki murekkep ichki ziddiyetlerni körsitip béridighanliqini ilgiri sürgen chet'ellerdiki xitay mutexxsisliridin amérikida tetqiqat élip bériwatqan li chéng b b s ning ziyaritini qobul qilip" Eger bo shileyge ölüm höküm qilghan bolsa qarshiliq qozghilishi mumkin idi. Eslide bo shileyge ölüm höküm qilishi mumkin idi, emma junggo kommunistliri bo shilerning qehriman bolushini xalimidi" deydu.

Mulahizichiler shi jinpingning bo shileyning sot hökümi mesliside éhtiyatchan bolghanliqini otturigha qoyushmaqta.

Bo shileyning sot hökümi mesiliside chet'ellerdiki xitayshunaslar we xitay mutexesislerdin bashqa xitay ichidimu türlük inkaslar köpeygen bolup, xitay rehberlik qatlimidiki hoquq kürishi, parixorluq we chiriklik mesililiri asasliq témigha aylandi.

Shinxu'a tori bolsa, bo shleyning ikki saqchining tutup turushi astida sotqa chiqqan süritini élan qilghan bolup, bo shileyning süretliridiki özini merdane tutqan, ishenchlik turghan haliti téximu küchlük diqqetke érishken. Emma, shinxu'a we xelq torining bo shileyge höküm élan qilinishqa a'it yekshenbe künidiki Uyghurche uchurliri bek qisqa bolup, peqet bir qanche jümlidinla terkip tapqan.

Toluq bet