Бирюссел террорлуқ һуҗуми гумандари қолға чүшкән

Мухбиримиз җүмә
2016-04-09
Share


Белгийә даирилири 22 - март бирюссел террорлуқ һуҗумидин кейин қечип йүргән террор гумандарини қолға алғанлиқини билдүрди.

Бирюссел метро истансиси вә айропортида йүз бәргән террорлуқ һуҗумида 32 адәм өлгән йәнә нәччә онлиған адәм яриланған. Сақчи даирилири бешиға қара қалпақ кийгән бир гумандарниң айропорт көзитиш аппаратиға чүшкәнликини вә һуҗумдин кейин нәқ мәйданидин айрилғанлиқини хәвәр қилған.

Һөкүмәт тәрәпниң ейтишичә, бу нөвәт қолға чүшкән гумандар моһамәд абрини болуп, у өзиниң ашу қара қалпақлиқ гумандар икәнликни иқрар қилған.

Мәлум болушичә, моһәмәд 8 - апрел кәчқурун қолға чүшкән.

Моһәмәд откән йили ноябир парижда йүз бәргән террорлуқ һуҗумидин кейин һуҗумдики баш гумандар салеһ абдеслам билән һуҗумидин икки күн бурун парижға машинилиқ кәлгән болуп бу көрүнүш париждики бир көзитиш аппаратиға чүшүп қалған.

У декабирдин буян явропада биринчи дәриҗилик тутуш буйруқи чиқирилған җинайәтчиләр тизимликигә киргүзүлгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт