Biryussél térrorluq hujumi gumandari qolgha chüshken

Muxbirimiz jüme
2016-04-09
Share


Bélgiye da'iriliri 22 - mart biryussél térrorluq hujumidin kéyin qéchip yürgen térror gumandarini qolgha alghanliqini bildürdi.

Biryussél métro istansisi we ayroportida yüz bergen térrorluq hujumida 32 adem ölgen yene nechche onlighan adem yarilan'ghan. Saqchi da'iriliri béshigha qara qalpaq kiygen bir gumandarning ayroport közitish apparatigha chüshkenlikini we hujumdin kéyin neq meydanidin ayrilghanliqini xewer qilghan.

Hökümet terepning éytishiche, bu nöwet qolgha chüshken gumandar mohamed abrini bolup, u özining ashu qara qalpaqliq gumandar ikenlikni iqrar qilghan.

Melum bolushiche, mohemed 8 - aprél kechqurun qolgha chüshken.

Mohemed otken yili noyabir parizhda yüz bergen térrorluq hujumidin kéyin hujumdiki bash gumandar saléh abdéslam bilen hujumidin ikki kün burun parizhgha mashiniliq kelgen bolup bu körünüsh parizhdiki bir közitish apparatigha chüshüp qalghan.

U dékabirdin buyan yawropada birinchi derijilik tutush buyruqi chiqirilghan jinayetchiler tizimlikige kirgüzülgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet