Шеняңниң һава булғиниш дәриҗиси бихәтәрлик өлчимидин 56 һәссә еғир болған

Мухбиримиз үмидвар
2015-11-11
Share


Бу һәптә ахиридики санлиқ мәлуматларға қариғанда, шеняң шәһиридики һава булғиниш дәриҗиси дуня сәһийә тәшкилатиниң бихәтәрлик өлчимидин 50 нәччә һәссә еғир болған.

Дуня сәһийә тәшкилатиниң өлчими бойичә, һавадики зәһәрлик зәрричиләрниң бир соткидики қоюқлуқ дәриҗиси әң еғир болғанда 25 микрограм болуши керәк икән.

CNN Ниң 9 - ноябир хәвәр қилишичә, өткән һәптә ахири шеняң шәһири һавасидики зәһәрлик зәрричиләрниң бир соткилиқ қоюқлуқ дәриҗиси 1 миң 400 микрограмға йетип, дуня сәһийә тәшкилатиниң бихәтәрлик өлчимидин 56 һәссә ешип кәткән.

Фирансийә агентлиқида нәқил қилишичә, екологийилик муһитни қоғдаш тәшкилати - “йешил тинчлиқ” тики паалийәтчи дуң лйәнсәй: “өткән бир нәччә йилдин буянқи санлиқ мәлуматқа селиштурушимизчә, бу қетимқиси зәһәрлик зәрричиләрниң әң юқири чәккә йетиши болуп һесаблиниду” дегән.

Шинхуа ахбарати шеняң һавасидики еғир булғинишни етирап қилған болсиму, санлиқ мәлуматларни ениқ көрсәтмигән.

Хәвәрдә һава тәркибидики зәһәрлик ушшақ зәрричиләрниң қоюқлуқ дәриҗиси “интайин юқири һаләткә йәткән” лики, “һава вә ташйол қатниши тохтитилған” лиқи көрситилгән.

Шеняң шәһири хитайниң көмүр санаәт базилиридин бири болған лявниң өлкисиниң пайтәхти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт