Shényangning hawa bulghinish derijisi bixeterlik ölchimidin 56 hesse éghir bolghan

Muxbirimiz ümidwar
2015-11-11
Share


Bu hepte axiridiki sanliq melumatlargha qarighanda, shényang shehiridiki hawa bulghinish derijisi dunya sehiye teshkilatining bixeterlik ölchimidin 50 nechche hesse éghir bolghan.

Dunya sehiye teshkilatining ölchimi boyiche, hawadiki zeherlik zerrichilerning bir sotkidiki qoyuqluq derijisi eng éghir bolghanda 25 mikrogram bolushi kérek iken.

CNN Ning 9 - noyabir xewer qilishiche, ötken hepte axiri shényang shehiri hawasidiki zeherlik zerrichilerning bir sotkiliq qoyuqluq derijisi 1 ming 400 mikrogramgha yétip, dunya sehiye teshkilatining bixeterlik ölchimidin 56 hesse éship ketken.

Firansiye agéntliqida neqil qilishiche, ékologiyilik muhitni qoghdash teshkilati - "Yéshil tinchliq" tiki pa'aliyetchi dung lyensey: "Ötken bir nechche yildin buyanqi sanliq melumatqa sélishturushimizche, bu qétimqisi zeherlik zerrichilerning eng yuqiri chekke yétishi bolup hésablinidu" dégen.

Shinxu'a axbarati shényang hawasidiki éghir bulghinishni étirap qilghan bolsimu, sanliq melumatlarni éniq körsetmigen.

Xewerde hawa terkibidiki zeherlik ushshaq zerrichilerning qoyuqluq derijisi "Intayin yuqiri haletke yetken" liki, "Hawa we tashyol qatnishi toxtitilghan" liqi körsitilgen.

Shényang shehiri xitayning kömür sana'et baziliridin biri bolghan lyawning ölkisining paytexti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet