«BuzzFeed» Хәвәрләр тори уйғур елидә лагерларниң давамлиқ кеңәйтиливатқанлиқини ашкарилиди

Мухбиримиз ирадә
2020-08-27
Елхәт
Пикир
Share
Принт

27-Авғуст күни «BuzzFeed» хәвәрләр тори уйғур елидики лагерлар һәққидә йеңи тәкшүрүш мақалиси елан қилди. Мәзкур мақалидә, гугул сүний һәмраһ көрүнүшлири үстидин әп берилған тәкшүрүш вә лагер шаһидлирини зиярәт қилиш нәтиҗисидә, 2017-йилдин буян районда ясалған 260 дин артуқ лагер қурулуши тепип чиқилған.

Уларниң байқишичә, уйғур елидики һәрбир наһийәдә бирдин дегүдәк лагер бар болуп, бу 3 йил мабәйнидә хитай һөкүмити лагерларни тохтимай кеңәйтип, 2-дуня урушидин буянқи мәлум бир милләткә қаритилған әң зор тутқунни әмәлийләштүргән.

Уларниң байқишичә, хитай даирилири дәсләптә кона мәктәп биналири вә һөкүмәт биналирини тутуп туруш орни қилип ишләткән болса, кейин тутқун көлиминиң кеңийиши нәтиҗисидә 6 айғиму йәтмигән вақит ичидә зор көләмлик лагер қурулушлирини бина қилип чиққан. Бундин сирт йәнә, лагер ичидә завут-кархана қурулушлириму көпләп әп берилған болуп, у мәҗбурий әмгәкниң кәң даиридә йолға қоюлуватқанлиқидин дерәк беридикән. Диққәт қозғайдиғини, бу қурулушлар давамлиқ селинмақтикән.

Уларниң байқишичә, 2019-йилиниң бешида, ишчилар үрүмчиниң җәнубидики даванчиңға җайлашқан лагерни кеңәйтиш үчүн йәр тазилашқа башлиған. Даванчиңдики лагер әслидила чоң лагерларниң бири болуп, у 2018-йили өктәбирдә 32 миң 500 адәм сиғидиған көләмгә игә болса, кейин қошулған икки лагер бинаси сайисидә у сиғими 40миң кишидин ашидиған лагерға айландурулғаникән.

Американиң «BuzzFeed» хәвәрләр ториниң бу йеңи доклати елан қилинғандин кейин зор инкас қозғиди.

Пикирләр (0)
Share
Толуқ бәт