Amérika dölet mejlisi tutqundiki rahile dawutning qoyup bérilishini telep qilghan

Amérika dölet mejlisi xitay ishliri ijra'iye komitéti 11-awghust küni tiwittérgha uchur yollap, tutqundiki rahile dawutning teqdirige izchil köngül bölüp kéliwatqanliqini ipadiligen hemde xitay hökümitidin uni qoyup bérishni telep qilghan.

Tiwéttérda mundaq déyilgen: “Rahile dawut shinjang uniwérsitétining hörmetke sazawer folklorshunasi, emma u 2017-yil iz-déreksiz ghayib qiliwétildi. Xitay hökümiti uni qandaq sotlighanliqi we nege qamighanliqi heqqide héchqandaq uchur bermidi. Biz uning qoyup bérilishni telep qilimiz hemde xelq'ara jem'iyetni uning mesilisini xitay emeldalirining aldigha qoyushqa chaqirimiz”.

Rahile dawut 2017-yil 12-ayda tutqun qilin'ghandin buyan köpligen ammiwi teshkilatlar, uniwérsitétlar we tetqiqat orunliri rahile dawutning teqdirige köngül bölüp kéliwatqan bolup,  ötken yil “Oslo erkinlik munbiri” de rahile dawutqa erkinlik telep qilin'ghanliqi radiyomiz teripidin xewer qilin'ghanidi.