Amérika tamozhnasi lop nahiyeside ishlepchiqirilghan 13 tonna chach mehsulatini amérika chégrasida tutup qalghan

Muxbirimiz nur'iman
2020-07-01
Élxet
Pikir
Share
Print

Aksiyos (Axios) xewer torining 1-iyul bergen xewirige qarighanda, amérika tamozhna we chégra qoghdash xadimliri Uyghur rayonida mejburiy emgek bilen yasalghan dep guman qilghan 800 ming dollar qimmitidiki 13 tonnagha yéqin chach mehsulatlirini chégrada tutup qalghan.

Melum bolushiche, 6-ayning 17-küni Uyghur rayonining jenubidiki lop nahiyiside qurulghan "Méyshin" chach mehsulatliri cheklik shirkiti ishlepchiqarghan mehsulatlarning amérika chégrasidin kirishini cheklesh buyruqi chüshürgen iken.

Amérika tamozhna we chégra qoghdash idarisi soda ishxanisining ijra'iye yardemchi komissari brénda simis bu heqte bayanat élan qilip, mundaq dégen: "Bu xil mehsulatlarning ishlepchiqirilishi xitayning mezkur rayonda kishilik hoquqni éghir depsende qiliwatqanliqini körsitidu. 'méyshin' shirkiti mehsulatlirining tutup qilinishi, amérikaning teminlesh zenjiride qanunsiz we insanlarning qedir-qimmiti depsende qilinish arqiliq ishlepchiqirilghan mallargha orun yoq ikenliki heqqide bérilgen ochuq agahlandurushtur."

Xewerge asaslan'ghanda, amérika dölet xewpsizliki komitétining bayanatchisi jon ulliyot eger bu 13 tonna chach mehsulati rastinla bir milyondin artuq Uyghur tutqun qamalghan jaza lagérlirigha munasiwetlik bolup qalsa, bu xitay kompartiyesining rayondiki basturush siyasitining chiktin ashqanliqini körsitidighanliqini bildürgen. U sözide yene xitayning bu mesilide dunya jama'etchilikige jawab bérishi kéreklikini tekitligen.

Xitayning washin'gtondiki elchixanisi bu toghriliq soralghan so'allargha héchqandaq inkas bildürmigen.

Toluq bet