Чаған һарписида үрүмчи пойиз истансиси көчмән хитай йолучилири билән толған

Мухбиримиз қутлан
2017-01-28
Елхәт
Пикир
Share
Принт


Мәлум болушичә, чаған һарписида үрүмчи төмүрйол идарисиниң җәнубий вогзали билән шималий вогзали көчмән хитай йолучилириниң көпликидин адәм деңизиға айланған.

Хәлқ ториниң бу һәқтики хәвиридә көрситилишичә, үрүмчи төмүрйол идарисиниң җәнубий вогзали билән шималий вогзали 22-январдин 26-январғичә күнигә 50 миңдин артуқ йоличини йолға салмақтикән.

Хәвәрдә дейилишичә, үрүмчи вогзалиниң 25-январ бир күн ичидә йолға салған йолучи сани 57 миңдин ашқан болуп, бу үрүмчи вогзали қурулғандин буян әң көп йолучи узатқан бир күн икән.

Үрүмчи арқилиқ хитайниң ичкий өлкилиригә яки уйғур аптоном райониниң һәрқайсий җайлириға чаған өткүзгили маңған йүзмиңлиған хитай көчмәнлири вогзалларни адәм деңизиға айландурған икән.

Уйғур елидин кәлгән хәвәрләрдә чаған һарписи келиши билән мәйли айрупиланда болсун яки пойизда болсун хитай йолучилириниң көпликидин уйғурларниң көрүнмәй қалғанлиқини илгири сүрмәктә.

Мәлумки, йеқинқи бирқанчә йил ичидә үрүмчи шәһири әслидики нопуси аран бир милюндин ашидиған оттуриһал дәриҗилик шәһәрдин көчмә аһалә билән қошуп һесаблиғанда 5 милюн нопуслуқ бир чоң шәһәргә айланған.

Көзәткүчиләр, уйғур дияридики адәм яшиғили болидиған бостанлиқ көлиминиң интайин тар икәнликини, җәнубий уйғур елиниң бостанлиқлиридики аһалә зичлиқиниң һәтта шаңхәй шәһиридинму йоқири икәнликини, шуниңға қаримай хитай һөкүмитиниң нөвәттә уйғур елиға худди сәлдәк көчмән йөткәватқанлиқини әскәртмәктә.

Пикирләр (0)
Share
Толуқ бәт