Ürümchidiki bir xizmet etriti Uyghur ahalilerge chaghanliq panus yasatquzghan

Muxbirimiz shöhret hoshur
2018.02.07

“Tengritagh tori” ning xewer qilishiche, ürümchining saybagh rayonluq bagh-ormanchiliq idarisi we chumbagh ahaliler rayonidiki ikki komitét birliship “Bir a'ile kishiliri chaghanni birlikte kütüwélish” pa'aliyiti ötküzgen.

Mezkur pa'aliyette mes'ul xadimlar ikki rayondiki “Qoshmaq tughqan” qilin'ghan Uyghur ahalilerni panus yasatquzghan. Xewerde déyilishiche, bu pa'aliyetke “Panus ésish boyiche milletler ittipaqliqi dostluq pa'aliyiti” dep nam bérilgen, pa'aliyette yene ahalilerge xitayche “Bext xéti” yazdurulghan.

Uyghur aptonom rayonida Uyghurlarning öyliridiki “Qur'an kerim” we jaynamazlar yighiwéliniwatqan we ularni saqlighanlar jazaliniwatqan bir mezgilde panus, “Bext xéti” qatarliq xitayning en'eniwi bayram medeniyitige mensup belgilerning Uyghurlarning öy we xanilirige élip kirilishi muhajirettiki Uyghur közetküchilirining diqqitini tartti.

Washin'gtondiki siyasiy közetküchi uchqunjan ependi bu heqte inkas qayturup, ürümchide da'irilerning xitay medeniyitini ochuq-ashkara halda Uyghurlargha téngiwatqanliqini ilgiri sürdi. U, herqandaq bir medeniyetning téngish yaki zorlang arqiliq qobul bolmaydighanliqi, eksiche shu xil medeniyetke qarita téngilghuchilarda seskinish we bizarliq peyda qilidighanliqini eskertti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.